बागलुङ, १ असोज
ताराखोला गाउँपालिका–१ मर्स्याङ्दी खोला नजिकको गोठमा एक पुरुष मृत फेला परेका छन् । ताराखोला गाउँपालिका–५ का दुर्गबहादुर पाइजाको शव आज भेटिएको इलाका प्रहरी कार्यालय हरिचौरका प्रहरी नायब निरीक्षक देबराज काफ्लेले जानकारी दिए ।
शरीरभरि अरिङ्गालले टोकेर सुन्निएको अवस्थामा पाइजाको शव फेला परेको ताराखोला–१ का वडाध्यक्ष यमबहादुर श्रीषले बताए । मृतकको शवलाई परीक्षणका लागि गलकोट नगर अस्पताल लगिएको प्रहरीले जनाएको छ । मृतक पाइजा घरमा एक्लै बस्दै आएका थिए ।
