बागलुङ, २५ भदौ
जिल्ला कारागार बागलुङबाट कैदीबन्दीले भाग्ने प्रयास गरेपछि कारागारको सुरक्षा व्यवस्था कडा पारिएको छ । नेपाली सेनासहित तीनै तहका सुरक्षा निकाय कारागारको सुरक्षामा खटिएको कारागार व्यवस्थापनले जनाएको छ ।
आज दिउँसो कैदीबन्दीले कारागारमा आगजनी गरी भाग्ने प्रयास गरेका थिए । सुरक्षाकर्मीले त्यस्तो प्रयासलाई असफल पारेका हुन्। आगजनी हुने खतरा देखेपछि बागलुङ नगरपालिकाको दमकल पनि कारागार परिसरमा पुगेको थियो । अहिले कारागारको अवस्था सामान्य रहेको छ ।
तस्बिर– मञ्जुल शाक्य
