बागलुङ, २९ माघ
बागलुङ नगरपालिका–३ शिवधाराचोक नजिक स्कुल भ्यान दुर्घटना हुँदा २३ जना विद्यार्थी घाइते भएका छन् । घाइतेमध्ये तीन जनाको अवस्था गम्भीर रहेको जिल्ला प्रहरी कार्यालयका प्रहरी नायब उपरीक्षक बसन्त पाण्डेले जानकारी दिए । घाइतेको नाम नखुलेको उनले बताए ।
बागलुङ नगरपालिका–१ रामरोखास्थित न्यू एभरेष्ट एकेडेमीको ग.३ च ८६२१ नं.को भ्यान दिउँसो साढे चार बजे दुर्घटनामा परेको थियो । गम्भीर घाइतेलाई पोखरा पठाउने तयारी भइरहेको जनाइएको छ । घाइतेको अहिले धवलागिरि प्रादेशिक अस्पतालमा उपचार भइरहेको छ । दुर्घटनाको विस्तृत विवरण आउन बाँकी छ ।
