बागलुङ, २१ असोज
प्रहरीले निसीखोला गाउँपालिका –१ स्थित सल्लेरी सामुदायिक वनमा लुकाईछिपाइ राखेको अवस्थामा सात थान भरूवा बन्दुक फेला पारेको छ ।
इलाका प्रहरी कार्यालय बुर्तिबाङबाट खटिएको प्रहरी टोलीले नियमित गस्ती गर्ने क्रममा बुधबार वनभित्रको झाडीमा एक नाले ७ थान भरुवा बन्दुक फेला पारेको जिल्ला प्रहरी कार्यालय बागलुङका निमित्त सूचना अधिकारी यामनारायण अर्यालले जानकारी दिनुभयो ।
फेला परेको बन्दुकका बारेमा थप अनुसन्धान भैरहेको प्रहरीले जनाएको छ ।
