पोखरा, १९ असोज
गत वर्ष भदौ २४ गते भएको जेन्जी प्रदर्शनका क्रममा कास्की जिल्ला कारागारबाट फरार हुनुभएका पोखरा महानगरपालिका–२९ बस्ने ४५ वर्षीय उत्तम मगरलाई प्रहरीले पक्राउ गरेको छ । मगर सहकारी ठगी सम्बन्धी कसुरमा पुर्पक्षका लागि थुनामा रहेका बेला कारगारबाट फरार हुनुभएको थियो ।
प्रदेश प्रहरी कार्यालय, पोखरा र जिल्ला प्रहरी कार्यालय, कास्कीबाट खटिएको संयुक्त प्रहरी टोलीले उहाँलाई ललितपुरको महालक्ष्मी नगरपालिका–४ सानोगाउँबाट पक्राउ गरेको जिल्ला प्रहरी कार्यालयका प्रहरी नायब उपरीक्षक वीरेन्द्रकुमार पासवानले जानकारी दिनुभयो ।
प्रहरी परिसर ललिलपुरको सहयोगमा आइतबार पक्राउ परेका मगरलाई आवश्यक कारबाहीका लागि कास्की जिल्ला कारागारमा ल्याइएको उहाँले बताउनुभयो ।
