पोखरा, १३ असोज
गण्डकी प्रदेश सरकारले बागलुङ, म्याग्दीलगायत जिल्लामा बाढीपहिराका घटनामा परी मृत्य भएकाका परिवारलाई रू. एक लाखका दरले राहत र २५ हजार किरिया खर्च दिने भएको छ ।
सोमबार बसेको प्रदेश सरकार मन्त्रिपरिषद्को बैठकले उक्त निर्णय गरेको सरकारका प्रवक्ता एवं आर्थिक मामिलामन्त्री जितबहादुर शेरचनले जानकारी दिनुभयो ।
बैठकले बाढीपहिरोबाट क्षति पुगेका विभिन्न जिल्लाका प्रभावित क्षेत्रको विस्तृत विवरण सङ्कलन गरी पुनर्निर्माण तथा पुनर्स्थापनाको काम प्राथमिकताका साथ अघि बढाउने निर्णय गरेको
उहाँको भनाइ छ । बाढीपहिरोका घटनाबाट गण्डकीमा ठूलो धनजनको क्षति पुगेको छ ।
