गल्कोट, १६ वैशाख
बागलुङको गल्कोट नगरपालिका–७, मल्मस्थित श्री जनहित माध्यमिक विद्यालयमा सामुदायिक विपद् प्रतिकार्य सम्बन्धी सचेतना कार्यक्रम सम्पन्न भएको छ।
बुधबार आयोजित उक्त कार्यक्रममा श्री कालिजंग गण, घोडाबाँधेका सहायक सेनानी खगेन्द्र चन्दको नेतृत्वमा टोलीले विद्यार्थी तथा शिक्षकहरूलाई विपद् व्यवस्थापन, पूर्वतयारी र प्रतिकार्यका विषयमा प्रशिक्षण दिएको थियो। कार्यक्रममा प्राकृतिक विपद्का बेला अपनाउनुपर्ने सावधानी, उद्धारका आधारभूत सीप तथा सचेतनाका उपायबारे जानकारी गराइएको थियो।
विद्यालय व्यवस्थापनले कार्यक्रम प्रभावकारी र उपयोगी रहेको उल्लेख गर्दै कार्यक्रम सञ्चालन गरी सहयोग पुर्याएकोमा कालिजंग गण, घोडाबाँधे तथा सहायक सेनानी चन्दसहित सम्पूर्ण टोलीप्रति आभार व्यक्त गरेको छ। साथै कार्यक्रममा सहभागी शिक्षक, कर्मचारी तथा विद्यार्थीहरूप्रति पनि धन्यवाद ज्ञापन गरिएको विद्यालयले जनाएको छ।
