पोखरा, २० कात्तिक
गत भदौ २४ गते भएको ‘जेन्जी’ आन्दोलनका क्रममा जिल्ला ट्राफिक कार्यालय, कास्कीबाट मोटरसाइकल चोरी गर्ने युवकलाई प्रहरीले बुधबार मोटरसाइकलसहित पक्राउ गरेको छ ।
पोखरा महानगरपालिका–१७ बस्ने २४ वर्षीय सुवास तामाङलाई नियन्त्रणमा लिइएको जिल्ला प्रहरी कार्यालय, कास्कीका सूचना अधिकारी प्रहरी नायब उपरीक्षक हरिबहादुर बस्नेतले जानकारी दिए ।
तामाङले कारबाही तथा अनुसन्धानका क्रममा ट्राफिक प्रहरी कार्यालयमा राखिएको ग. १६ प १४५५ नं. को मोटरसाइकल चोरी गरी आफैले चलाउँदै आएको पाइएको प्रहरीले जनाएको छ । तामाङमाथि थप अनुसन्धान अगाडि बढाएको प्रहरीको भनाइ छ ।
