बागलुङ, १० असोज
दसैँ, तिहार, छठलगायत चाडबाडका अवसरमा नेकपा (माओवादी केन्द्र), गलकोट नगर समितिले आज हटियामा शुभकामना आदानप्रदान तथा चियापान कार्यक्रम सम्पन्न गरेको छ ।
उक्त कार्यक्रममा बोल्दै माओवादी केन्द्रका वैकल्पिक केन्द्रीय सदस्य तथा गलकोट नगरपालिकाका कार्यवाहक नगरप्रमुख फमलाल न्यूरे, प्रदेश समितिका सचिवालय सदस्य एवं जिल्ला संयोजक राजीव घिमिरेले देशको समसामयिक राजनीतिक परिस्थिति र पार्टीको आन्तरिक जीवनका बारेमा धारणा प्रस्तुत गरेका थिए ।
उनीहरूले ‘जेनजी’ आन्दोलनपछिको परिवर्तित परिस्थितिमा पार्टीलाई सुद्धीकरण र रूपान्तरण गर्नुपर्नेमा जोड़ दिएका थिए । कार्यक्रम पार्टीका नगर समिति अध्यक्ष गंगा भुजेलको अध्यक्षता, उपाध्यक्ष कौशिला घर्तीको स्वागत मन्तव्य र सचिव खिम साहनीको संचालनमा सम्पन्न भएको थियो । कार्यक्रममा माओवादी केन्द्रका नेता, कार्यकर्ता, जनप्रतिनिधिलगायतको सहभागिता रहेको थियो ।
